Ажилчны гудамжны замыг хаах тухай

Өнөө орой буюу 8-р сарын 05-ны 23 цагаас эхлэн Ажилчны гудамжны замд Говь ХК-ийн уулзвараас Дунд голын гүүр хүртэлх 1.2 км хэсгийн замын хөдөлгөөнийг 14 хоног хязгаарлаж, Си Эф Си групп компани өргөтгөл, шинэчлэлтийн ажлыг гүйцэтгэн энэ сарын 20-ны өглөө нээнэ. Өөрийн хөрөнгөөр гүйцэтгэн эргэн төлөгдөх нөхцөлтэйгөөр Ажилчны гудамжны 3.5 км авто замыг барьж байгаа уг компани ХУД-ийн Замын цагдаагийн постоос Говь ХК-ийн уулзвар хүртэлх 1.1 км замын зорчих хэсгийг хүлээлгэн өгсөн. Гурвалжингийн гүүр хүртэлх 1.2 км авто замын өргөтгөлийн ажил үлдэж байна.